2020 წელს, ფეა თრიზ ფონდი სხვადასხვა აქტივობებს ახორციელებს ამბროლაურში. თთოეული მათგანი ემსახურება ჯანმრთელობის, განათლებისა და თანაბარი უფლებების პრინციპებს, ისევე როგორც სოციალური პირობების გაუმჯობესებას. პროექტები შესაბამისობაშია 17 მდგრადი განვითარების მიზანთან.

მკერდის კიბოს სკრინინგი 169 ქალბატონისთვის

წითელ ჯვართან თანამშრომლობით, ფეა თრიზ ფონდმა წელსაც მოაწყო ტესტირების ცენტრი, სადაც ამბროლაურში მცხოვრებ ქალბატონებს მიეცათ საშუალება ჩაეტარებინათ მკერდის სკრინინგი. ტესტირება კოვიდ 19 ის რეკომენდაციების სრული დაცვით განხორციელდა.  ტესტირების 4 დღის განმავლობაში (10-13 სექტემბერი), 169 ქალის გამოკვლევა განხორციელდა.

სკრინინგი კულტურული ბონუსით

მკერდის სკრინინგთან ერთად, ქალბატონებს საშუალება ჰქონდათ, დაეთვალიერებინათ ადგილობრივი ქართველი მხატვარი ქალბატონების ნახატების გამოფენა ტესტ ცენტრთან ახლოს. სკრინინგში მონაწილე ყველა ქალბატონს გადაეცა სტომატოლოგიური მომსახურების ვაუჩერი.



ფონდი აფინანსებს 3 წლიან წითელი ჯვრის პროექტს „მდგრადობა და თემზე დაფუძნებული კატასტროფების რისკის შემცირება ამბროლაურში”. მკერდის სკრინინგი სწორედ ამ პროექტის ნაწილია.

წითელი ჯვარი

“დღესდღეობით, მკერდის კიბო ყველაზე მეტად გავრცელებული სიმსივნის ტიპია ქართველ ქალებში. ყოველწლიურად, 1624 ქალზე მეტია დაავადებული. წითელი ჯვარი ძალიან მოხარულია მხარი დაუჭიროს ფონდის ინიციატივას უფასო მკერდის სკრინინგთან დაკავშირებით ამბროლაურში. ეს წარმოადგენს გადამწყვეტ ნაბიჯს ჯანმრთელობის ხელშეწყობის საქმეში. 2020 წელს, ამ პროექტის განმავლობაში,რა თქმა უნდა ჩვენც ვზრუნავდით, რომ სკრინინგი კოვიდ 19 ის რეკომენდაციების დაცვით ჩატარებულიყო.”

– თამარ კამკამიძე, საერთაშორისო ურთიერთობების დეპარტამენტის ხელმძღვანელი, საქართველოს წითელი ჯვრის საზოგადოება; ჩიტო დოლიძე, წითელი ჯვრის ამბროლაურის ფილიალის წარმომადგენელი.

სპორტული სფეროს განვითარება გოგონებისთვის

ფონდი ფეა თრიიზ აქტიურად უჭერს მხარს ქალთა ფეხბურთის განვითარებას საქართველოში. საფეხბურთო კლუბ რაჭა 2020-თან ერთად, რეგიონალური ფეხბურთის ფედერაციის მხარდაჭერით, ფონდმა დააარსა გოგონათა ფეხბურთის გუნდი ამბროლაურში. ახალგაზრდა ადგილობრივმა გოგონამ გაიარა ფეხბურთის მწვრთნელის ტრეინინგი და სულ მალე ის UEFA-ს სერტიფიკატს მიიღებს. ამჟამად, გოგონათა გუნდი 6 წლიდან, რომელიც 40 წევრისგან შედგება, აქტიურად მონაწილეობს ყოველკვირეულ ვარჯიშებსა და საფეხბურთო მატჩებში. ფონდი ცდილობს, რაც შეიძლება მეტი გოგონა ჩაერთოს ქალთა ფეხბურთში.

სტიპენდია

2020 წელს ფონდმა სტუდენტი ამბროლაურიდან ანი გურგენიძე ბაკალავრიატის საფეხურზე სწავლის დაფინანსებით დააჯილდოვა. ამ სტიპენდიით, ანის აუსრულდა ოცნება, გამხდარიყო სტუდენტი ივანე ჯავახიშვილის სახელობის თბილისის სახელმწიფო უნივერსიტეტში.  ამჟამად იგი სამართლის ფაკულტეტზე სწავლობს. ამავდროულად, ანი აქტიურადაა ჩართული სოციალურ პროექტებში და სხვა აქტივობებთან ერთად, იგი საქართველოს წითელი ჯვრის საზოგადოების ამბროლაურის ფილიალის მოხალისეა.

მნიშვნელოვანი დახმარება SOS ბავშვთა სოფელში მცხოვრებ ბავშვებკორონავირუსის დროს

ფონდმა Fair Trees გამოყო თანხა იმისთვის, რომ ბავშვებს არ მოაკლდეთ ზრუნვა, საკვები და მიეცეთდისტანციური სწავლის საშუალება COVID-19-ის პირობებში.

ბავშვები, რომლებიც მინდობით აღმზრდელებთან ერთად ცხოვრობენ ამბროლაურის მცირე საოჯახო ტიპის სახლში, ძალიან განიცდიან, რომ პანდემიის გამო მასწავლებლებთან და კლასელებთან ყოველდღიური კონტაქტი დისტანციური სწავლებითაა ჩანაცვლებული.

ბავშვებმა და მათმა აღმზრდელებმა მეტად დროული და საჭირო დახმარება მიიღეს ფონდისგან, სრულიად მოულოდნელად.

Fair Trees ფონდმა გამოყო 5000 ლარი 8 ბავშვისთვის, რათა ხელი შეეწყო მათთვის დისტანციური სწავლაში მონაწილეობის მისაღებად.

”ამჟამად მცირე საოჯახო ტიპის სახლში ზრუნავენ იმაზე, რომ ბავშვები ყველაფრით იყვნენ უზრუნველყოფილი. ჩვენ ძალიან გვინდოდა ჩვენი წვლილი შეგვეტანა მათი პირობების გაუმჯობესებაში“ – ამბობს ჟანა ბაბუნაშვილი, Fair Trees ფონდის პროექტების დაგეგმვისა და განვითარების მენეჯერი, რომელიც ცოტა ხნის წინ ეწვია SOS ბავშვთა სოფელს საჩუქრების გადასაცემად.

საჩუქრებში შედის ელექტრონული პლანშეტები ციფრული სწავლებისთვის, აგრეთვე ანტისეპტიკური საშუალებები COVID-19 ინფექციისგან თავდასაცავად. ამას გარდა, პურის საცხობი დანადგარი, რომელიც მნიშვნელოვნად შეამცირებს მცირე საოჯახო ტიპის სახლის ხარჯებს.

”ბავშვებს სჭირდებათ სტაბილურობა და სიმშვიდე, რაც საშუალებას მისცემს მათ ისწავლონ და ითამაშონ კიდეც. ხოლო მშობლებს – მუდმივი თანადგომა, რათა გაუმკლავდნენ პანდემიით გამოწვეულ პრობლემებს. Fair Trees ფონდში ვიმედოვნებთ, რომ ჩვენი შემოწირულობა ორივეს შესრულებაში დაეხმარებათ,”- ამბობს ჟანა ბაბუნაშვილი.

ფონდი Fair Trees კომპანია „ Fair Trees “ საქმიანობით ფინანსდება, რომელიც გახლავთ მსოფლიო სამართლიანი ვაჭრობის ორგანიზაციის (WFTO) და დანიის სამართლიანი ვაჭრობის აუდიტის წევრი, რომლის ძირითად საქმიანობას კავკასიური სოჭის გირჩის ექსპორტი წარმოადგენს. ფონდი ფეა თრიიზ დაფუძნებულია კომპანიის მიერ. ყოველწლიურად 45 მილიონი ნორდმანი/კავკასიური სოჭი იყიდება დასავლეთ ევროპაში. ამ უდიდეს ბაზარზე კომპანიას უჭირავს ერთ-ერთი წამყვანი პოზიცია, რაც ასახულია სხვადასხვა სტატისტიკურ მონაცემებში. ჩვენი გუნდის ძალისხმევით, ევროპაში ფართოდაა ცნობილი, რომ ეს ხეები რაჭული კავკასიური სოჭის თესლისგანაა აღმოცენებული. ამ ხეებიდან, მხოლოდ 650000 არის სერტიფიცირებული, როგორც Fair Trees®. უნიკალური Fair Trade პლატფორმით, თითოეული გაყიდული საშობაო ხიდან კომპანიიდან ავტომატურად ფონდს უბრუნდება გარკვეული თანხა, რაც საბოლოო ჯამში ამბროლაურის მუნიციპალიტეტის განვითარებას ხმარდება. ამ მიზნით,ყოველწლიურად ნახევარ მილიონ ლარამდე იხარჯება. ფონდი მიზანმიმართულია სიღარიბის შემცირების პროექტების განხორციელებაზე და მისი პრიორიტეტი უსაფრთხო სამუშაო გარემო, განათლება, ჯანდაცვა, რაჭის ტურისტული პოტენციალის რეკლამირება გარემოსდაცვითი საკითხებია.